🔹 “लोन क्लोज करून देतो” म्हणून फसवणूक — बारामती पोलिसांच्या जाळ्यात विराज फायनान्सचा संचालक!

🔥MK NEWS36 

📰 लोन क्लोजच्या आमिषाने फसवणूक करणारा आरोपी अखेर पोलिसांच्या जाळ्यात!
— बारामती शहर पोलीसांची आणखी एक धडक कारवाई

बारामती|प्रतिनिधी दि. 10 नोव्हेंबर :
“लोन क्लोज करून देतो” असे सांगत नागरिकांची आर्थिक फसवणूक करणारा आरोपी अखेर बारामती शहर पोलिसांच्या हाती लागला आहे. काटेवाडी (ता. बारामती, जि. पुणे) येथील रवींद्र भीमराव डोंबाळे आणि त्याची पत्नी यांनी ‘विराज फायनान्स’ नावाने फर्म चालवून विविध घटकातील नागरिकांना कर्ज कमी करून देण्याचे आमिष दाखवून मोठ्या प्रमाणात रक्कम उकळल्याचा प्रकार उघड झाला आहे.

या प्रकरणी सन 2023 मध्ये बारामती शहर पोलीस स्टेशन येथे गुन्हा दाखल करण्यात आला होता. आरोपी डोंबाळे हा गेल्या काही महिन्यांपासून पोलिसांना चकवा देत फरारी होता. मात्र, बारामती शहर पोलिसांच्या गुन्हे प्रकटीकरण विभागाने गुप्त माहिती आणि तांत्रिक विश्लेषणाचा वापर करून दिनांक 9 नोव्हेंबर 2025 रोजी आरोपीस अटक करण्यात यश मिळवले.

या कारवाईत पोलीस उपनिरीक्षक सतीश राऊत, पोलीस अमलदार आमिर शेख, अभिजीत कांबळे, दत्तात्रेय मदने, अक्षय सिताप आणि गिरीश नवसे यांनी मोलाची भूमिका बजावली.

सदर कारवाई पोलीस अधीक्षक पुणे ग्रामीण माननीय संदीपसिंह गिल, अप्पर पोलीस अधीक्षक मान. रमेश चोपडे, अप्पर पोलीस अधीक्षक बारामती मान. गणेश बिराजदार, तसेच उपविभागीय पोलीस अधिकारी मान. सुदर्शन राठोड यांच्या मार्गदर्शनाखाली, तर पोलीस निरीक्षक श्री. शैलेश चिवडे (शेट्टी) यांच्या नेतृत्वाखाली करण्यात आली.

बारामती शहर पोलिसांकडून आरोपीकडे पुढील चौकशी सुरू असून, त्याच्याकडून आणखी किती नागरिकांची फसवणूक झालेली आहे, याचा तपास सुरू आहे.