🚨 “मोठ्या गाड्यांनी वाढवला शहराचा त्रास – कधी होणार बायपास?”

🔥MK NEWS 36 

दौंड शहर वाहतूक कोंडीच्या विळख्यात – लोक त्रस्त, प्रशासनाकडे अपेक्षेची नजर

कोमल सोनवणे
दौंड प्रतिनिधी

दौंड :
दौंड शहरातील वाहतूक कोंडी हा दिवसेंदिवस गंभीर होत चाललेला प्रश्न आहे. प्रत्येक चौकात, गल्लीबोळात व मुख्य रस्त्यांवर होणारी प्रचंड गर्दी यामुळे नागरिकांना हालअपेष्टा सहन कराव्या लागत आहेत. विशेषतः सकाळी व संध्याकाळी कार्यालयीन वेळा, तसेच शाळा-कॉलेज सुटण्याच्या वेळेत तर परिस्थिती अधिकच बिकट होते.

शहरात येणाऱ्या अवजड वाहनांमुळे परिस्थिती आणखी गंभीर होत असून, पोलीस प्रशासन व दौंड नगरपरिषद यांच्याकडे नागरिकांकडून “कोंडीमुक्त शहर” करण्याची मोठी अपेक्षा आहे. परंतु अद्याप ठोस उपाययोजना होत नसल्याने लोकांमध्ये नाराजी वाढत आहे.

नागरिकांच्या तक्रारी

मोठमोठ्या ट्रक, ट्रॅक्टर, मालवाहतूक गाड्या शहरात थेट येतात.

सणासुदीच्या दिवसात ही समस्या अधिकच तीव्र होते.

रुग्णवाहिकांना सुद्धा कोंडीमुळे विलंब होतो.

लहान मुलांपासून वृद्धांपर्यंत प्रत्येकाला दररोज त्रास सहन करावा लागतो.

अपेक्षित उपाययोजना

1. बायपास मार्ग : शहरात प्रवेश करणाऱ्या अवजड वाहनांना थांबवून बाहेरून बायपास मार्ग देणे.

2. पिक-अप स्टॅन्ड : व्यापाऱ्यांच्या मालवाहतुकीसाठी शहराबाहेर स्वतंत्र पिक-अप स्टॅन्ड उभारणे.

3. स्मार्ट ट्रॅफिक व्यवस्थापन : चौकांवर ट्रॅफिक सिग्नल्स, सीसीटीव्ही कॅमेरे बसवणे.

4. पोलिसांची अतिरिक्त फौज : गर्दीच्या वेळी वाहतूक नियंत्रक पोलिसांची नियुक्ती.

5. नगरपरिषद व पोलीस प्रशासनाचे संयुक्त नियोजन : नागरिकांच्या सहभागातून दीर्घकालीन योजना तयार करणे.

लोकांचा सवाल?

“शहरातील नागरिकांना कधी मोकळा श्वास घेता येणार?” हा प्रश्न आज दौंडकरांच्या मनात घर करून बसला आहे. वाढती लोकसंख्या, वाढते वाहनांचे प्रमाण आणि नियोजनाचा अभाव यामुळे समस्या दिवसेंदिवस गंभीर होत आहे.

नागरिकांचे म्हणणे आहे की, प्रशासनाने तात्काळ ठोस पावले उचलली पाहिजेत. अन्यथा परिस्थिती आणखी बिघडून मोठे अपघात व जीवितहानीची शक्यता नाकारता येत नाही.

➡️ आता पाहायचे इतकेच की, दौंड नगरपरिषद आणि पोलीस प्रशासन एकत्र येऊन वाहतूक कोंडीवर कितपत लवकर उपाय करतात..