🔥 गॅस माफिया पुन्हा सक्रिय – प्रशासनाच्या नजरेआड जीव धोक्यात!

🔥MK NEWS 36 संपादकीय 

🔥 घरगुती गॅसचा काळाबाजार थांबेना – बेकायदेशीर रिफिलिंगचा व्यवसाय पुन्हा जोमात! 🔥

बारामती परिसरात काही दिवसांपूर्वी गॅस रिफिलिंगच्या बेकायदेशीर धंद्याचा पर्दाफाश झाला होता. बातम्या झळकल्या, प्रशासन हलले, आणि काही दिवसांसाठी हा धंदा थांबल्याचा आभास निर्माण झाला. मात्र, आज पुन्हा परिस्थिती जसंच्या तशी! घरगुती गॅस सिलिंडर बेकायदेशीररीत्या रिफिलिंगचा धंदा पुन्हा जोमाने सुरू असून, गोरगरीब जनतेच्या सुरक्षेशी खेळ करण्याचे धाडस हे ‘गॅस माफिया’ बेधडकपणे करत आहेत.

अनेक ठिकाणी अंधारात, लपवाछपवीत गॅस सिलिंडरचे रिफिलिंग सुरू असून, प्रशासनाच्या डोळ्यांवर झापडे घातली आहेत का? असा प्रश्न जनतेतून विचारला जात आहे. ज्वलनशील गॅसचे असे धोकादायक व्यवहार कधीही मोठा स्फोट घडवून आणू शकतात. मग याची जबाबदारी कोणाची? जीव धोक्यात घालून काहीजणांच्या खिशात पैसे भरण्यासाठी कायद्याची सरळ पायमल्ली केली जात आहे.

👉 बातमीचा मुद्दा सरळ आहे –

बेकायदेशीर गॅस रिफिलिंग करणाऱ्यांवर कठोर कारवाई व्हायलाच हवी.

यामागे ‘गुप्त पाठीराखे’ कोण आहेत, याची चौकशी होणे गरजेचे आहे.

रोजच्या रोज सुरू असलेला हा व्यवसाय बंद करण्यासाठी प्रशासनाने फक्त दाखवायची कारवाई न करता ठोस पावले उचलणे आवश्यक आहे.

आता प्रश्न असा आहे की – लोकांच्या जीवाशी खेळणाऱ्या या ‘गॅस माफियां’ना आळा घालण्याची हिंमत प्रशासन दाखवणार की पुन्हा एखादा स्फोट होईपर्यंत सर्व झोपेतच राहणार?