🗳️ दौंड तालुका काँग्रेसचा मेळावा उत्साहात पार — स्वबळावर लढण्याचा एकमुखी ठराव..!

🔥MK NEWS 36 

दौंड तालुका काँग्रेस कमिटीचा मेळावा उत्साहात पार – स्वबळावर लढण्याचा निर्धार
✍️ प्रतिनिधी – कोमल सोनवणे, दौंड

दौंड : महाराष्ट्र प्रदेश काँग्रेस कमिटीच्या सुचनेनुसार जिल्हा परिषद, पंचायत समिती आणि नगरपालिका निवडणुकांच्या पार्श्वभूमीवर दौंड येथे तालुका काँग्रेस कमिटी, शहर काँग्रेस कमिटी, महिला काँग्रेस, युवक काँग्रेस तसेच विविध सेलच्या पदाधिकाऱ्यांचा संयुक्त मेळावा उत्साहात पार पडला.

या मेळाव्यात “काँग्रेस स्वबळावर लढणार” असा ठराव एकमुखाने मंजूर करण्यात आला. हा मेळावा दौंड तालुका काँग्रेस कमिटीचे अध्यक्ष श्री. विठ्ठल खराडे यांच्या अध्यक्षतेखाली पार पडला.

कार्यक्रमास महाराष्ट्र प्रदेश काँग्रेस कमिटीचे सचिव व निरीक्षक श्री. प्रशांत शेठ सुरसे हे प्रमुख पाहुणे म्हणून उपस्थित होते. त्यांनी पक्ष संघटन बळकट करण्याबाबत मार्गदर्शन करत कार्यकर्त्यांना आगामी निवडणुकांसाठी एकजुटीने काम करण्याचे आवाहन केले.

मेळाव्यात स्थानिक प्रश्न, मतदार संपर्क मोहिम, निवडणूक तयारी आणि काँग्रेस पक्षाची जनाधार वाढविण्याबाबत सविस्तर चर्चा झाली. कार्यकर्त्यांनी “जनतेशी थेट संवाद साधून पक्षाच्या विचारधारेनुसार विजय मिळवू” असा निर्धार व्यक्त केला.

कार्यक्रमास दौंड शहर काँग्रेस कमिटीचे अध्यक्ष श्री. हरीश ओझा, श्री. श्नेयश मनोत, नानासाहेब रणदिवे, बाळासाहेब दळवी, अरविंद दोरगे, इस्माईल पठाण, प्रकाश सोनवणे, पवार सर, महेश जगदाळे, दिगंबर चिलवंत, अल्ताफ शेख, मोशीन तांबोळी, अतुल थोरात, रज्जाक शेख, महेश ताकवले, हाके सर, ऑड अजयकुमार डेंगळे, संजय पठारे सर, दिगंबर पवार सर, अजय सस्ते आदी पदाधिकारी व कार्यकर्ते मोठ्या संख्येने उपस्थित होते.

मेळाव्याच्या शेवटी सर्व उपस्थितांनी एकसंघपणे काँग्रेस पक्षाच्या विजयासाठी काम करण्याची ग्वाही दिली.

📢 प्रकाशक : तालुका काँग्रेस कमिटी, दौंड
📞 संपर्क : श्री. विठ्ठल खराडे (अध्यक्ष, दौंड काँग्रेस)