🎋 ऊस देणाऱ्यांना दौंड शुगरकडून दिवाळी भेट, भीमा पाटसकडे शांतता!

MK NEWS 36 308 Views October 16, 2025

🔥MK NEWS 36

📰 दौंड प्रतिनिधी

दौंड शुगरने सभासदांना गोड भेट — भीमा पाटसकडून अजूनही प्रतीक्षा!

दौंड : यावर्षी ऊस हंगामाला सुरुवात होताच दौंड शुगर कारखान्याने सभासद ऊस उत्पादकांना दिलासा देणारा निर्णय घेतला आहे. या निर्णयानुसार, जे सभासद आपला ऊस कारखान्यात घालणार आहेत, त्यांना पाच किलो साखर मोफत भेट देण्यात येणार आहे. या उपक्रमामुळे ऊस उत्पादकांमध्ये आनंदाचे वातावरण निर्माण झाले आहे.

दरम्यान, भीमा पाटस शुगर कारखाना (नीराणी ग्रुप) कडून अशाच प्रकारचा निर्णय अपेक्षित असल्याची चर्चा सभासदांमध्ये सुरू आहे. कारखाना सध्या भाडेतत्त्वावर चालवला जात असला तरी, सभासदांना किमान पाच किलो साखर भेट मिळावी, अशी मागणी ऊस उत्पादकांकडून जोर धरत आहे.

सभासदांच्या मते, “दौंड शुगरप्रमाणे जर भीमा पाटसनेही साखर भेट दिली, तर सभासदांचा ऊस देण्याकडे कल अधिक वाढेल आणि दिवाळी गोड होईल.” मात्र, अद्याप या बाबत कोणतीही ठोस हालचाल दिसून येत नाही. त्यामुळे सभासदांमध्ये संभ्रम आणि अपेक्षेचं वातावरण आहे.

आता पाहावं लागेल की, नीराणी ग्रुप सभासदांच्या हिताचा निर्णय घेतो का — की हा विषय “अदानीतरी” राहणार, असा सवाल सभासद करत आहेत.