चौफुल्यात लावणीवरून रक्तस्नान! — पाटसच्या तरुणावर कोयत्याने सपासप वार, परिसरात खळबळ..!

🔥MK NEWS 36 

🔥 चौफुला येथे रेणुका कला केंद्रात लावणीवरून राडा — पाटसच्या तरुणावर कोयत्याने सपासप वार! परिसरात खळबळ

प्रतिनिधी / दौंड
दौंड तालुक्यातील चौफुला परिसर पुन्हा एकदा चर्चेत आला आहे. पुणे-सोलापूर राष्ट्रीय महामार्गालगत असलेले रेणुका कला केंद्र हे आता “लोककला” नव्हे, तर “हल्ला केंद्र” बनत चालल्याचं चित्र निर्माण झालं आहे. काही महिन्यांपूर्वीच चौफुला-वाखरी परिसरातील अंबिका कला केंद्रात झालेल्या गोळीबाराच्या घटनेची धग ओसरत नाही तोच पुन्हा रक्तरंजित प्रकार उघडकीस आला आहे.

मंगळवार (दि. १४ ऑक्टोबर) च्या मध्यरात्री साडेबारा वाजण्याच्या सुमारास रेणुका कला केंद्रात लावणीच्या कार्यक्रमावरून दोन गटांत वाद निर्माण झाला. हा वाद इतका चिघळला की पाटस येथील साहिल बापू जाधव (वय १९) याच्यावर धारदार कोयत्याने फिल्मी स्टाईलने सपासप वार करत जीवघेणा हल्ला करण्यात आला.

या प्रकरणी आदित्य ऊर्फ आदिनाथ ईशर गिरमे, रोहीत राजुभिसे (दोघेही रा. पाटस) तसेच वरवंड येथील दोन अनोळखी मित्रांवर यवत पोलिस ठाण्यात गुन्हा दाखल करण्यात आला आहे.

⚡ लावणीवरून वाद, टोलनाक्यावरून राग — आणि रक्तरंजित शेवट!

मिळालेल्या माहितीनुसार, साहिल जाधव हा आपल्या मित्रासोबत चौफुल्यातील हॉटेल बिअर बारमध्ये दारू पिल्यानंतर रेणुका कला केंद्रात लावणी पाहण्यासाठी आला होता. यावेळी दोन गटांमध्ये “कोण लावणी लावणार?” या क्षुल्लक कारणावरून शाब्दिक चकमक झाली.

यानंतर वाद पाटस टोलनाक्यावर पुन्हा पेटला — “तू माझ्याकडे रागाने का पाहिलंस?” या प्रश्नावरून संतापलेल्या आरोपींनी कोयत्याने मानेवर, डोक्यावर आणि हातावर वार करून साहिलला रक्तबंबाळ केले. गंभीर जखमी अवस्थेत त्याला उपचारासाठी दाखल करण्यात आले असून पोलिसांनी तातडीने गुन्हा दाखल केला आहे. तपास पोलीस उपनिरीक्षक किशोर वाघ यांच्या मार्गदर्शनाखाली सुरू आहे.

🚨 कला केंद्र की अश्लीलता केंद्र?

या वारंवार होणाऱ्या घटनांमुळे स्थानिक नागरिक आणि सामाजिक संघटनांमध्ये तीव्र संताप व्यक्त होत आहे.
“कलेच्या नावाखाली चालतेय नेमकं काय?” हा प्रश्न पुन्हा एकदा ऐरणीवर आला आहे.

लोककला केंद्राच्या नावाखाली दारूच्या नशेत येणारे लोक, अश्लील चाळे आणि बेकायदेशीर क्रियाकलाप यामुळे ही ठिकाणं आता कला नव्हे, गुन्हेगारी केंद्रं बनली आहेत, अशी चर्चा परिसरात आहे.

🧨 पोलीस प्रशासनावर प्रश्नचिन्ह..

अंबिका कला केंद्रातील गोळीबारानंतर पोलिसांनी मोठमोठ्या घोषणा केल्या होत्या — “कला केंद्रांवर अंकुश ठेवला जाईल, बेकायदेशीर वर्तन सहन केले जाणार नाही.”
मात्र वास्तवात चित्र वेगळं आहे. पुन्हा रक्तस्नान, पुन्हा गुन्हा, आणि पुन्हा पोलिसांचा फक्त पंचनामा.

जर पोलिसांनी खरंच कारवाईत गांभीर्य दाखवलं असतं, तर या “रेणुका कला केंद्रात” पुन्हा हत्यारं चालली नसती.

⚠️ प्रशासनाने तात्काळ चौकशी व बंदी लावावी!

या घटनांमुळे नागरिकांत भीतीचं वातावरण निर्माण झालं आहे.
दारूच्या नशेत कलेचा अपमान, कलाकारांचा अपमान, आणि समाजात गुन्हेगारीला खतपाणी — याला आता आळा बसणं गरजेचं आहे.

स्थानिक प्रशासनाने तातडीने रेणुका कला केंद्र आणि परिसरातील सर्व अशा “लावणी केंद्रांवर” कडक चौकशी करून तात्पुरती बंदी घालावी, अशी मागणी नागरिकांकडून होत आहे.

👉 निष्कर्ष :
“कला साजरी व्हायला हवी — रक्तस्नान नव्हे.”
चौफुला परिसरातील या घटना प्रशासनाच्या ढिसाळ कारभारावर प्रश्नचिन्ह उभं करतात.
आता प्रश्न असा आहे — कला वाचवली जाणार की गुन्हेगारीचं ठिकाण म्हणून चौफुल्याचं नाव कायम होणार?