अंगावर अडीच तोळे सोने अन् मध्यरात्रीची वेळ; देवदूतासारख्या धावून आलेल्या दौंड पोलिसांनी वाचविले वृद्धेचे प्राण..!

🔥MK NEWS36 

“दौंड पोलिसांच्या सतर्कतेमुळे ७० वर्षीय वृद्ध महिला सुखरूप; अंगावर अडीच तोळे सोने असताना मध्यरात्री पोलिसांची मिळाली साथ”

दौंड: प्रतिनिधी (कोमल सोनवणे)

मध्यरात्रीच्या काळोखात रस्ता चुकलेल्या आणि अंगावर मोठ्या प्रमाणात सोन्याचे दागिने असलेल्या एका ७० वर्षीय वृद्ध महिलेला दौंड पोलिसांनी सुरक्षितरीत्या त्यांच्या नातेवाईकांच्या स्वाधीन केले. पोलिसांच्या या संवेदनशीलतेमुळे हडपसर येथील ही वृद्ध महिला पुन्हा आपल्या कुटुंबात परतली असून, पोलीस प्रशासनाचे सर्वत्र कौतुक होत आहे.

🚨गस्तीदरम्यान निदर्शनास आली बाब..!

दिनांक ३० मे २०२६ रोजी मध्यरात्री १२ वाजेच्या सुमारास दौंड पोलीस स्टेशनचे पथक रावणगाव (ता. दौंड) परिसरात नियमित गस्तीवर होते. यावेळी रस्त्याच्या कडेला एक वृद्ध महिला अत्यंत गोंधळलेल्या अवस्थेत उभी असल्याचे पोलिसांना दिसले. पोलिसांनी थांबून चौकशी केली असता, त्या महिलेला स्वतःचे नाव किंवा घराचा पत्ता नीट सांगता येत नव्हता.

🎈सुरक्षिततेसाठी तात्काळ पावले..!

महिलेच्या अंगावर अंदाजे २ ते २.५ तोळे सोन्याचे दागिने होते. रात्रीची वेळ आणि दागिन्यांमुळे सुरक्षेचा प्रश्न निर्माण होऊ नये, यासाठी पोलीस निरीक्षक गोपाळ पवार यांनी तत्काळ दखल घेतली. त्यांच्या सूचनेनुसार महिलेला सुरक्षितरीत्या पोलीस स्टेशनमध्ये आणण्यात आले.

सोशल मीडिया आणि वायरलेसचा प्रभावी वापर

महिलेची ओळख पटवण्यासाठी पोलिसांनी खालील पावले उचलली:

महिलेचे वर्णन आणि फोटो पुणे जिल्ह्यातील सर्व पोलीस स्टेशनना वायरलेस संदेशाद्वारे पाठवण्यात आले.

विविध व्हॉट्सॲप ग्रुप्स आणि सोशल मीडियाच्या माध्यमातून ही माहिती प्रसारित करण्यात आली.

💢कुटुंबाशी झाली भेट..!

पोलिसांच्या या तत्परतेमुळे काही तासांतच या महिलेचे नातेवाईक दौंड पोलीस स्टेशनला पोहोचले. सदर महिलेचे नाव दाळाबाई दादू सावंत (वय ७०, रा. वैदवाडी, हडपसर, पुणे) असल्याचे स्पष्ट झाले. आवश्यक ती कायदेशीर प्रक्रिया पूर्ण करून पोलिसांनी त्यांना मुलगा दिलीप प्रकाश सावंत यांच्या ताब्यात दिले.

“मध्यरात्रीच्या वेळी वृद्ध महिला एकटी असणे धोक्याचे ठरू शकले असते, मात्र गस्तीवरील पथकाच्या सतर्कतेमुळे अनुचित प्रकार टळला. नागरिकांची सुरक्षा हेच आमचे प्रथम कर्तव्य आहे.”

— पोलीस प्रशासन, दौंड.

हरवलेली आई सुखरूप मिळाल्याने सावंत कुटुंबाने दौंड पोलिसांचे डोळे भरून आभार मानले आहेत.